Angngaru
Tabe Karaeng !
Kipammopporammama'
ri dallekang kalabbiranta, ri empoang matinggita ;
Satuli-tuli kanangku karaeng ;
panngainna laherekku, pappattojenna batingku ;
Berangja' kunipatebba', pangkulukja' kunisoeang ;

Ikatte anging karaeng, na ikambe leko' kayu ;
Ikatte je'ne' karaeng, na ikambe batang mammanyu' ;
Ikatte jarung karaeng, na ikambe bannang panjai'.

Irikko anging, na marunang leko' kayu ;
Solongko je'ne', namammanyu' batang kayu ;
Te'leko jarung, namminawang bannang panjai';

Makkanamaki' mae, na ikambe manggaukang.
Mannya'bu' mamaki' mae, na ikambe mappajari ;
punna sallang takammayya, aruku ri dallekanta ;
pangka jerakku, tinraki bate onjokku ;
pinra arengku, piassala' jari-jariku.
Pawwangi ri anak ribokoa, pasangi ri anak tanjari ;
tumakkanaya, na taena napparupa ;

Sikammaji anne aruku ri dallekanta Karaeng ;
dasi na dasi nanitarima pangnganroku ;
Amin.