ARU TUBARANI

TABE’ KARAENG

KIPAMMOPPORANGMAMA’

RIDALLEKANG LABBIRITTA

RIEMPOANG MATINGGITA

RISA’RI KARATUANTA

IYAMINNE LAMBARA’ TATASSALANA BUTTA GOA

NAKATEPOKANGI SALLANG

PANGNGULU RIBARUGAYYA

PA’ ASORANG TANGNGA PARANG

INAI NAIMO SALLANG

TAMAPPIADAKI ADAKA

TAMAPPATTOJENGI TOJENGA

KUSALAGAI SIRINNA

KUISARA’ PARALLAKKENNA

BERANGJA’ KUNIPATEBBA’

PANGKULU’JA KUNISOEANG

IKATTE ANGING KARAENG

NAIKAMBE LEKO’ KAYU

IRIK‘KO ANGING

NAMARUNANG LEKO’ KAYU

IKIATTE  JE’NE’ KARAENG

NAIKAMBE  BATANG KAYU

ASSOLONGKO JE’NE’

NAMAMMAYU’ BATANG KAYU

IKATTE JARUNG KARAENG

NAIKAMBE BANNANG PANJAI’

ANTA’LEKO JARUNG

NAMAMMINAWANG BANNANG PANJAI’

AKKANA MAMAKI’ KARAENG

NAKUMMINAWANG

ANNYABBU’ MAMAKI’ KARAENG

NAIKAMBE MA’GAUKANG

ANJOJJO’ MAMAKI KARAENG

NAKAMBE MAPPAJJARI

PUNNA NIA’ TAKAMMAYYA

ARUKU RIDALLEKANTA

PANGKA JERAKKU

TINRA’ BATE ONJOKKU

PAWWANGI ANA’ RIBOKO

PASANGI RIANA’ TANJARI

TUMAKKANAYYA TANARUPPAI JANJINNA

SIKAMMAJI ANNE ARUKU RIDALLEKANTA

DASI NADASI NAKAMASEANGKI’ ALLAH TA’ ALA

SALAMA’